Тускъаты Таймураз бабæрæг кодта Цæгат Ирыстоны паддзахадон университет

8.11.2024 19:32

Парламенты сæрдарæн равдыстой хими, биологи æмæ биотехнологийы факультет цæмæй цæры, уый.

Тускъаты Таймураз бабæрæг кодта Цæгат Ирыстоны паддзахадон университет. Парламенты сæрдарæн равдыстой хими, биологи æмæ биотехнологийы факультет цæмæй цæры, уый. Студенттæ нырыккон лабораториты архайынц раззагдæр ифтонггæрзтыл. Сæ куыстытæ та æппынæдзух дзуапп дæттынц базарады нырыккон ногдзинæдтæн. Уыдонмæ баххæсæн ис фæсарæйнаг хостæ бæстæйы уагъд препараттæй кæй фæивтой, уый. Уæлдæр ахуыргæнæндон æмгуыст кæны Курчатовы номыл институтимæ. Националон иртæстыты центр, æххуыс кæны фæсивæды проекттæ дунеон æмвæзадмæ ракæнынæн дæр. Уыдонæн сæ бон баххуыс кæнын уыдзæн бæстæйы экономикæйы райрæзтæн, фæнысан кодта спикер. Уыимæ ма, ЦИПУ-йы цæттæ кæнынц хусгонд хъæрмхуыппытæ. Хъæуы сыл æрмæст тæвд дон æркæнын. Тохы бынаты нæ æфсæддонтæн ахæм хъарм хойраг уæлдай хъæугæ у. Уæлдай дæр та фæззыгон-зымæгон рæстæг. Экскурсийы фæстæ парламентаритæ сарæзтой æмбырд. Æрдзырдтой Цæгат Ирыстоны наукæ æмæ наукон-технологон политикæйыл. Университеты ректор Огъуаты Алан куыд фæнысан кодта, афтæмæй кадрты резервы рæзт у ахуыргæнæндоны ахсджиагдæр здæхтытæй иу. Иннæ аз ЦИПУ-йыл сæххæст уыдзæн 105 азы.

Предыдущий материал

“Фыдыбæстæ хъахъхъæнджытæ” регионалон фонды арæзт æрцыд “Ныссадз дæхи бæлас”, зæгъгæ, акци

Следующий материал

2-æм декабры онг республикæйы цæрджытæ хъуамæ фаронæн баххæст кæной исбонады хъалон

Читайте также

Все новости