Уæлахизмæ тырнындзинад

Уæлахизы боны кадæн Дзæуджыхъæуы сарæзтой рог атлетикæйæ чемпионат. Ерыстæ цыдысты «Спартачы» стадионы. Олимпаг резервы скъолайы разамонæг Владимир Куликовы ныхæстæм гæсгæ ацы стадионыл ахæм ерыстæ 22 арæзт нæ уыд. Турнир ацыд дыууæ къæпхæнæй. Архайдтой дзы, 13 азæй 18 азы онг кæуыл цæуы, уыцы спотсментæ. Чемпионаты ма сæ тыхтæ бавзæрстой Хуссар Ирыстоны æвзонг спортсментæ дæр. Боныхъæд йæхи кæй ныхъхъуынтъыз кодта, уый аххосæй иуæй-иу архайджытæ сæ дæсныйад æмæ тырнындзинад æвдыстой къæвдайы бынмæ. Куыд рабæрæг, афтæмæй дзæгъæлы нæ: ерысты раиртæстой уæлахиздзауты згъорынæй, гæпп кæнынæй, æфсæйнаг къори æхсынæй. Хицæн спортсментæ систы спорты мастермæ кандидаттæ.