Уæрæсейы хицауад рахай кодта 52 милуан сомы бæрц Хъолайы цъитийы мониторингæн. Сæрмагонд бардзырд бафыстой 28-æм сентябры. Фæрæзтæ арвитдзысты геофизикон æмæ маршрутон итрæстытæн, спутникæй æмæ бæрзонд бæлвырддзинадимæ аэро хуызистытæн. Ахуыргæндтæ æркæсдзысты цъитийы ивддзинæдтæм, цас их дзы æрæмбырд, уымæ, стæй йæ хъæдмæ æмæ æууæлтæм. Нырыккон кусæнгæрзтæ райсдзысты Уæрæсейы Наукæты Академи, бæстæйы гидрометцентр æмæ Мæскуыйы паддзахадон университет. Сæйраг хæс у экологон зиан ма ‘руадзын. Фæрæзтæ куыд хардзгонд цæудзысты, уый тыххæй æппæт бæрнон куыстуæтты информаци бацæттæ кæнын хъæуы 2027-æм азы 1-æм мартъимæ.
