Зæххы химæлвæсты закъоныл фæтых уæвын. Дзæуджыхъæуы тæхæг аппаратты хуызæгтæ аразыны спортмæ сывæллæттæ арæхдæр райдыдтой цымыдис кæнын. Фидæны инженертæ хæдтæхæг саразынц сæхæдæг. Æмæ кæд ахуыртæ æнцон не сты, уæддæр ныридæгæн сæ къухы бирæ бафтыд.
Ацы гыццыл кабинеты æрыгон инженерты ахуыр кæнынц зæххы химæлвæсты закъоныл фæтых уæвыныл. Хæдтæхæг æрæмбырд кæнын æмæ йæ уæлдæфмæ сисын алкæй бон не суыдзæн. Тæхæг аппаратты хызæгтæ аразыны хъуыддаджы хъæуы дисциплинæ, стæй фæразон уæвын. Хъуамæ йæ æмбарай, дæ хæдтæхæг уæлдæфы йæхи куыд равдисдзæн, уый. Приты Тимур ам ахуыр кæны ныр 5 азы.
Æрæджы Приты Тимур æмæ Константин архайдтой Уæрæсейы фыццаг бынат бацахсыныл ерысты тæхæг аппаратты хызæгтæ аразынæй Нарткалайы. Æфсымæртæ райстой фыццаг æмæ æртыккаг бынат F1P къласы, хонынц ма йæ «сæрибарæй тæхæг» дæр. Модель раст æрæмбырд кæнын, æппæт лыстæгдзинæдтæ хынцгæйæ, дарддæр мотор фæткыл саразын, æрмæст уæд ис хæдтæхæг арвмæ суадзын. Ацы домæнтæ ерысты æнæмæнг сты, уый тыххæй сæм хи цæттæ кæнын райдайынц афæдз раздæр.
Ног модель саразынæн хъæуы, æппынкъаддæр, 5 мæйы. Домæнтæм гæсгæ, хæдтæхæг арвмæ сисынæн хæрзвадат уавæртæ ссарыны тыххæй алы архайæгæн дæр лæвæрд цæуы 50 минуты. Температурæ æмæ дымгæмæ цæстдарæн гæрзтæй пайдагæнгæйæ, хæдтæхæг уæлдæфы хъуамæ 3 минутæй къаддæр ма фæдарай.
Ерысты кæронбæттæны къæпхæн ацæуы сæумæрайсом, уæд дымгæ къаддæр вæййы æмæ хæдтæхæг сисынæн фылдæр фæлтæрддзинад хъæуы. Архайджытæн хæслæвæрд сæххæст кæнын сæ къухы бафтыд. Иуæй-иутæ фидæны фæнд кæнынц инженертæ суæвын.
Фыццаг бынаты, æнæмæнг, хæдтæхджытæ. Ацы девизы руаджы фидæны конструктортæ æрмадзы арвитынц сæ боны фылдæр хай. Тæхæг аппаратты хызæгтæ аразын сын æрмæст уæгъд рæстæг æрвитыны фæрæз нæу, æмæ уый æвæллайгæйæ æвдисынц хъуыддагæй.
