Дзæуджыхъæуы сырддоны цæрæгойтыл бафтыди. Балæвар сын кодтой уæздан саджы. Уыцы хъуыддаг арæзт æрцыди проект «Аллон саг»-мæ гæсгæ. Сыкъаджын уазæг йæ ног хæдзар ссардта нæ республикæйы егъау куыстуæттæй иуы фæрцы. Сырддоны кусджытæ æнхъæлмæ кæсынц, тагъд рæстæджы саг цот кæй рауадздзæн, уымæ. Проекты нысан у сæвджын сагты Ирыстоны рапарахат кæнын. Уый агъоммæ ахæм ахсджиаг мадзал арæзт æрцыд Санибайы. Хъæды ауагътой Ростовæй ласт сагты. Се `хсæн уыдис лæппынтæ æмæ, афæдзæй фылдæр кæуыл цæуы, ахæм родтæ. Æрæджы дæр ма нæ республикæйы хъæдты уæздан сагтæ иу минæй фылдæр уыдысты. Сæ нымæц фæкъаддæр 90-æм азты. Ныр специалисттæ сæ зæрдæ дарынц, Ирыстоны та хъæды фидауц кæй апарахат уыдзæн, уымæй.
Фæрниаты Ангелинæ, чидæр: «Ивгъуыд аз уыд экологийы аз, æмæ уый фæлгæты нæ хъус уæлдай тынгдæр дардтам уæздан саджы уавæртæ фæхуыздæр кæнынмæ. Министрадимæ дарддæр дæр æмгуыст кæндзыстæм. Мæнæ ацы нæл саджы схуыдтам Ирон, цæуы йыл афæдзæй чысыл фылдæр».
