Йæ цардæй ахицæн зынгонд тележурналист, Уæрæсейы фысджыты цæдисы уæнг, Уæрæсе æмæ Цæгат Ирыстоны культурæйы сгуыхт кусæг Томайты Адæ.
Уæлдæр ахуырад райста Мæскуыйы паддзахадон университеты журналистикæйы факультеты, фæстæдæр та каст фæци телеуынынады æмæ радиойы кусджыты квалификаци уæлдæргæнæн инстиут. У ирон телеуынады бындурæвæрджытæй иу.
Томайты Адæ уæлдай æхсызгонæй дзырдта, нæ республикæйы ном бæрзонд чи систа, уыцы адæмы тыххæй. Уымæй уæлдай ма уыдис литературон курдиаты хицау дæр. У документалон уацауты æмæ бирæ æмдзæвгæты автор. Йæ уацмыстæ мыхуыргонд цыдысты бирæ журналты, уагъта хицæн æмбырдгæндтæ дæр.
Томайты Адæйæн стыр аргъ кодтой йе `мкусджытæ.
