Куыст ссарынæн фылдæр уавæртæ æмæ фадæттæ. Сæрмагонд программæйы æххуысæй алкæмæндæр йæ бон у ног дæсныйадыл сахуыр кæнын. Дарддæр хъæугæ фæлтæрддзинад райсын æмæ дæсныйад уæлдæргæнæн курсытæ ацæуын. Ацы хъуыддаджы кармæ гæсгæ арæнæвæрдтæ нæй. «Демографийы» национ проектмæ гæсгæ та Цæгат Ирыстоны тагъд байгом уыдзысты «WorldSkills»-ы ахуырадон центртæ. Ног гæнæнтыл афæлгæст — нæ дарддæры æрмæджы.
Алыхуызон, фæлæ иудадзыг ахсджиаг æмæ хъæугæ дæсныйæдтæ. Сахуыр кæнæн та сыл ис лæвар. «Демографийы» национ проекты «Куыст ссарынæн баххуыс кæныны» федералон проекты фæлгæты республикæйы фæзындзæн «WorldSkills»-ы 13 ахуырадон центры. Сæ фылдæр ныридæгæн скуыстой.
Проект республикæйы куыд æххæстгонд цæуы, уымæ сæ цæст дарынц федералон эксперттæ. Бынаты бæлвырд кæнынц ахуырады гæнæнтæ æмæ, куыст ссарын цас æнцон у, уый. Иртасынц, гæххæттытæ раст æххæстгонд цæуынц, æви нæ. Цæгат Ирыстоны уыдзысты цалдæр боны. Базонгæ уыдзысты техникумтæ, колледжтæ æмæ ахуырадон центрты куыстимæ. Хатдзæгтæм гæсгæ сараздзысты æмбырд.
Экспертты куысты фыццаг бон æнтыстджын рауад. Центр «Алонта» бабæрæг кæныны фæстæ бакуыстой сæрмагонд уынаффæтыл. Практикæ куыд æвдисы, афтæмæй ахуырадон квотæтæ фæфылдæр кæнын хъæуы. Хъæугæ æххуыс бакæндзæн «WorldSkills»-ы академи.
