Раздæр та дзы, зæгъгæн ис, æмæ уæвгæ дæр нæ уыд фундамент, зæгъы куыстытæ æххæстгæнæг Гетойты Тамерлан. Уый аххосæй бæстыхай сси аварион. Къултæ афаз сты, фæстаг азты та ма фæзынд ноджы иу къуылымпыдзинад — объекты дуæрттæ нал гом кодтой. Уый тыххæй бахъуыд рæвдауæндон ногæй амайын, уымӕн ӕмӕ йын ӕндӕр гӕнӕн нӕ уыд.
Ныртæккæ кусджыты аразынц къулты цæджындзтæ. Бынаты кусынц 15 адæймаджы æмæ техникæйы 2 иуæджы. Уыдзӕн дзы сывӕллӕттӕн ног, нырыккон рæвдауæндон 60 бынатæн æппæт уавæртимæ дæр.
Уалынмӕ арæзтад цӕуы, уӕдмӕ сывæллæтты сыхаг хъӕуты рæвдауӕндӕттӕм нал раивтой. Ныййарджытæн уыцы хъуыддаг, кæй зæгъын æй хъæуы, зынвадат у, зæгъы Зæронд Бæтæхъойыхъæуы хицау Цъыккаты Артур. Фæлæ, уӕддӕр уавæр æмбарынц. .
Объект аразынц хъæууон хæдзарады министрады программæмæ гæсгæ. Подрядон куыстуаты куыд зæгъынц, афтæмæй æппæт куыстытæ дæр афойнадыл сæххæст кæнд зысты. Рæвдуæндон йæ дуæрттæ байгом кæндзæн иннæ аз, июлы.
