Цæгат Ирыстоны журналистты Цæдисы уæнгтæ æрныхас кодтой афæдзы куысты хатдзæгтыл. Æнтыстджындæр журналисттæн радтой Кады гæххæттытæ. Уæрæсейы журналистты Цæдисы грамотæты хицæуттæ систы Санахъоты Эльбрус, Тедтойты Зинаидæ, Балаты Маргаритæ, Бызыккаты Светланæ æмæ Толпарты Ларисæ. «Профессионалон æхсæнады сгуыхтдзинæдты тыххæй» кады нысан радтой Гуырдзыбегты Иринæйæн. Йæ хатдзæгтæ ма скодта паддзахадон телерадиокомпани «Алани». Æппæт хайæдты кусджытæн дæр байуæрстой лæвæрттæ. Журналистты Цæдисы сæрдар Хъуысаты Тимуры ныхæстæм гæсгæ, ацы аз уыди зын, фæлæ æнтыстджын. Æхсæнадон иугонды ис 200 адæймаджы.
Хъуысаты Тимур, РЦИ-Аланийы журналистты Цæдисы сæрдар, паддзахадон телерадиокомпани «Алани»-йы хицау: Ивгъуыд азты нæ къухы бирæ хъуыддæгтæ бафтыди. Журналистты Цæдисы уæнгтæ сæхи хорз равдыстой нæ республикæйы æмæ сыхаг регионты дæр. Афтæ куы зæгъон, æмæ нæ зонынц, аргъ нын кæнынц, уæд нæ фæрæдийдзынæн.
