Цырæгътæ

Поэты курдиатыл дзурæг вæййы, адæм ын йæ уацмыстæ сæ зæрдыл куы бадарынц æмæ сæ æхсызгонæй куы фæдзурынц, уый. Хъайтмазты Аслæмырзæ хауы раст уыцы автортæм. Уæдæ Касаты Батрадзы та зонæм, йæ хъуыдытæ адæмы зондахастимæ кæй иу кæнынц, царды риссаг фарстытыл кæй дзуры, стæй æрдз иттæг хорз кæй æнкъары, уымæй.

Нæ радон программæйы Ирыстоны фысджытæ æмæ литературæиртасджытæ дзурынц, цард фыссæджы сфæлдыстадон фæндагыл куыд ахады, стæй поэтæн йæ бон йæ зæрдæйы бауромын цы нæ вæййы, ууыл.

Ацы аз нæ бæстæ бæрæг кодта Уæлахизы 75 азы юбилей. Афæдзы æрвитæн бонты нæ программæ «Цырæгъты» ноджыдæр ма иу хатт не `ргом здæхтам Фыдыбæстæйы Стыр хæсты темæмæ.

Мамсыраты Темырболатæн йæ зæрдæ æппæтæй тынгдæр цæуыл рысти, стæй хурдзаст Турчы бинонтæ цæуыннæ скодта? Æмдзæвгæ адæмон зарæг кæд свæййы æмæ фыссæг йæ уацмысты хъайтарты куыд равзары? Уый тыххæй дзурæм нæ ног программæйы «Цырæгътæ». Æрныхас ма дзы кæндзыстæм Къостайы царды æнæзонгæ цаутыл æмæ Нафи Кайсын Кулиевы уацмыстæм цæмæн бавнæлдта, ууыл.

Нæ ног проекты фыццаг рауагъды дзурæм ирон литературæйы хуыздæр уацмыстыл. Куыд свæййынц æмдзæвгæтæ адæмон зарджытæ æмæ цæй мидæг ис тæлмац кæнынæн йæ ахсджиагдæр миниуæг? Цы разæнгард кæны поэты фыссæнгарз райсынмæ æмæ цавæр у йæ фидæн ирон литературæйæн? Ууыл дзурынц не студийы уазджытæ.