Мадæлон æвзаг æмæ журнал «Чырыстийы цард»-ы тыххæй | Йæ рæстæгыл

Нæ равдысты фыццаг хай ныхас кодтам мадæлон æвзаджы райрæзты тыххæй. Ахуыры ног азæй рæвдауæндæтты ивд цæудзæн ирон æвзаг ахуыр кæныны методикæ. Ныр хъуамæ мадæлон æвзаг хъуыса райсомæй изæрмæ. Уый тыххæй нæ республикæйы ахуырад æмæ наукæйы министр Алибегты Эллæ фехъусын кодта, Дзæуджыхъæуы 95-æм æмæ 65-æм рæвдауæндæттæ куы бабæрæг кодта, уæд. Бæлвырддæр хабæрттæ нын радзырдтой нæ студийы уазджытæ. Дарддæр нæ ныхас сæр уыдис журнал «Чырыстийы цард»-ыл. Дин æмæ культурæйы бастдзинады тыххæй дзырдтам Æппæт Алайнаг Сыгъдæджыты номыл аргъуаны хистæр сауджынимæ.