2008-æм азы цаутæ Хуссар Ирыстоны, хæрзаудæн фонд æмæ театр «Саби» | Йӕ рӕстӕгыл

Ацы хатт нæ эфиры рад æрцыд 8-æм августмæ. Иууылдæр æй хорз хъуыды кæнæм, 2008-æм азы уыцы бон Хуссар Ирыстонæн цытæ бавзарын кодта, уый. Радон хатт Гуырдзыстон йæ къух систа чысыл, фæлæ сæрибаруарзаг республикæмæ. Бафæндыд нæ, уыцы рæстæгæн æвдисæн чи уыд, ахæм адæймагимæ аныхас кæнын. Дзырдтам хæрзаудæн фонд «Аланты фарн»-ы куыстыл дæр. Сæ руаджы бирæ фæсивæд райсынц, æнхъæл дæр кæмæн нал вæййынц, ахæм æххуыс. Куыд сын æнтысы, уый фонды уæнгтæ сæхæдæг радзырдтой. Уæдæ цы фендзæн ирыстойнаг саби театр «Саби»-йы та? Сфæлдыстадон къорд алы хатт дæр хъæздыг программæимæ бахизы ног сезонмæ. Цас куыстхъом уыдзысты ныр та æмæ цавæр аивадон хæстæ æвæрынц сæ размæ? Уыцы фæрстытæн нын театры разамынд дзуапп радта.