Абойты Хетæг æмæ Медойты Ларисæ

Йæ тынджы бацыди лæвæрттæ кæныны рæстæг. Бæрæгбоны агъоммæ дуканиты æмæ базарты адæм æмызмæлд кæнынц. Лæвæрттимæ та бæрæгбон вæййы аивдæрдæр æмæ æхсызгондæр. Нæ республикæйы цæрджыты зæрдæты Ног азы æнкъарæнтæ райтынг кæныныл архайы нæ республикæйы хицауад дæр. Битарты Вячеслав паддзахадон нæмттæ æмæ кады гæххæттытæ радта районты цæрджытæн. Равзæрстой, йæ куысты æнтыстдзинæдтæ чи равдыста æмæ æнæзæрдæхудт фæллой чи бакодта, уыдонæн. Æмæ дзы абон дыууæйæ сты не студийы. Æз уæ зонгæ кæнын Æрыдоны сывæллæтты аивадон скъолайы ахуыргæнæг Абойты Хетæгимæ æмæ Хъæдгæроны математикæйы ахуыргæнæг Медойты Ларисæимæ.