Сæрмагонд æфсæддон операци куы райдыдта, уæд æгас республикæ дæр æххуыс кæнынмæ бавнæлдта нæ фæсивæдæн. Рагон ирон æгъдау зиу ногæй Дзæуджыхъæуы бæрæг адардта. Адæмон фронты регионалон хайад уыдис фыццæгты `хсæн. Се `ххуысы тыххæй нын сæхæдæг радзырдтой. Республикæйы автономийы 100 азы бæрæгбонмæ та Ирыстоны сараздзысты чингуыты армукъа. Лекцитæ, кинонывтæ, театралон равдыстытæ фенæн уыдзæн 26-28 июлы. Йæ рæстæгыл цин кæнæм, йæ фыдæлтæ Туркмæ кæмæн афтыдысты, нæ уыцы æфсымæртæ æмæ хотыл дæр. Æрæмбырд сты Пойразлыйы, цæмæй сæ хъæуæн саразой ахадгæ куывд. Куыд ацыд, уый тыххæй нын радзырдтой комкоммæ эфиры. Афтæ ма арфæ кæнæм Хуссар Ирыстоны дзыллон информацийы фæрæзты минæвæрттæн. Абон у сæ профессионалон бон. Студийы нæм уыдис не `мкусæг Хуссар Ирыстоны телеуынынадæй.
