Рахизфарсы æмæ Æрыдоны районтæ 6-æм июны систы æрдзон фыдбылызы амæттæгтæ. Фыдбылызы фæстиуджытæ адæм иуварс кæнынц абон дæр ма. Фæлæ иутæ сæрдыгон къæвдадæттæй баудæстысты, иннæты хæдзæртты та дон нал цæуы.
Уæвгæ нæм районтæй æхсызгон цаутæ дæр хъуысынц. Ставд-Дурты цæрджытæ æвдисæн сты, сæ хъæуы уынгты дондзæуæн бынæттæ кæй сарæзтой, уымæн. Бирæсывæллонджын мадæлтæн та ногæй дæттын райдайдзысты сæрмагонд майдантæ æмæ фæйнæ милуан сомы. Æппæт ацы хъуыддæгтæ сты нæ программæйы дзуринæгтæ.
