Ахуырады хæстæ æмæ фыдæлтыккон фæтк: æгъдауыл чындзæхсæв æви скъæфт I Йæ рæстæгыл

Сывæллæттæ цы бинонты `хсæн ис, уыдонæн сæ ахсджиагдæр хæс у кæстæртæн хорз ахуырад раттын. Ацы аз нæ республикæйы уæлдæр ахуыргæнæндæтты фæфылдæр сты бюджетон бынæттæ. Ныхас ма кодтам, ахуыргæнджытæн паддзахад куыд æххуыс кæны, ууыл дæр, стæй скъолатæ цавæр ног чингуытæй сифтонг кæндзысты. Уæдæ нымад хъуыддаг у кæстæры хорз амонд дæр. Ома, бинонтæ скæнын. Алчи бæллы уыцы хæс æгъдауыл бакæнынмæ. Фæлæ хатт фенæм ахæм ног хъуыддæгтæ, æгъдаумæ бар дæр чи нæ дары. Цы баззад фыдæлтæй æмæ цы аивта нырыккон царды? Цæмæн рауайы рæсугъд бæрæгбонæй базары тæрхæг? Цæмæн афтæ зын ссарæн сты къухылхæцæг æмæ æмдзуарджын? Нæ уазджытæ йæ рæстæгыл загътой сæ хъуыдытæ.