Дунейы бирæ бæстæты дæ куы зоной. Дæ фенынмæ æмæ дæм байхъусынмæ куы бæллой, уæд уый, æвæццæгæн тынг æхсызгон æмæ æнтысдзинад у. Æви нæ?! Æви дыл уæлдай хæс æвæры? Уый нæ зонын…Хуыцау мын æй нæма бавзарын кодта. Цымæ нæ абоны уазæджы — амондджын схонæн ис?
Зонынц æмæ йæ уарзынц бирæтæ. Йæхæдæг та удуæлдайæ уарзы Ирыстон. Фæнды йæ адæмæн исты хæрзты бацæуын. У хъуыстгонд, йæ ном ын алчидæр зоны… Фæлæ йæ цардвæндаг æмæ уыцы хъуыстгонддзинадмæ фæндаг æнцон уыд? Уый йæхицæй хуыздæр ничи зоны. Цымæ нын йæхи нæ басусæг кæндзæн? Уый базондзыстæм. Уазæгуаты æнхъæлмæ кæсын Готъойты Иринæмæ растдæр зæгъгæйæ та — Амага Готтимæ.
