Сидзæр лæппу аирвæзын кодта фыры ‘ргæвдынæй æмæ иумæ ацыдысты лæппуйы хæдзарæй. Рæстæг рацыд æмæ ныр та лæппу бахауди зын уавæры. Ахастой йæ къулбадæг ус æмæ йæ фырт авд æфцæджы сæрты. Аирвæздзæн лæппу æви нæ?
Ацы аргъау хæлардзинады тыххæй у. Нæ дыууæ хъайтары кæрæдзийы цур æрбалæууыдысты зын сахат. Æмæ уымæй ахсджиагдæр цы ис? Сидзæр лæппу аирвæзын кодта фыры æргæвдынæй, уый та лæппуйы фервæзын кодта къулбадæг ус æмæ йæ фырты уацарæй.

Арвы айдæнæй куы кæсай, уæд кæйфæндыдæр ссардзынæ. Уæларвыл уа æви зæххыл. Æлдары чызг ахæм арвы айдæны хицау уыдис. Æмæ йæм цы курджытæ цыдис, уыдонæн иу 3 хатты бамбæхсыны бар радта, цæмæй сæ ма равдиса арвы айдæн, афтæмæй. Фæлæ иу дзы алкæйы дæр ссардта. Нæ аргъауы хъайтар дæр сфæнд кодта йæхи бафæлварын… Ссардта йæ æви нæ, арвы айдæнæй æлдары чызг? Кæсут æмæ хъусут ног аргъаумæ.

Ирон æмбисондмæ гæсгæ, зонды фæндаг æнæцудгæ у! Æмæ нæ аргъауы сæйраг хъайтар кæд Фæныкгуыз у, уæддæр йæ зондæй æнтысджынæй спайда кодта æмæ уæйгуытыл фæуалахиз ис.

Цыкурайы фæрдыг адæймаджы фæндтæ æххæст кæны. Хæлæгдзинад та адæймаджы фыдынд кæны.  Нæ аргъауы хъайтартæй иу иннæмæ хæлæг кæнын байдыдта, æмæ цæмæ æрцыд, уый фенут «Алæмæты аргъæутты» ног рауагъды.

— Цардис æмæ уыдис иу мæгуыр лæг Чъерттымхан. Уыдис æм иу æнахуыр миниуæг: æдтейы иу цы бызгъуыртæ ссардта, уыдон тымбыл кодта йæ хæдзары астæу. Иу хатт ын дзы иу фесæфт… Ацы цауæй райдыдтой нæ хъайтарыл цы диссæгтæ æрцыдис, уыдон… Æмæ цы? Цы рамбылдта Чъерттымхан? Алæмæт æмæ Ололи уын æй радзурдзысты… Кæсут æмæ хъусут ног аргъаумæ.

Раджы-ма раджы цардысты лæг æмæ ус, уыдис сын лæппу æмæ иу чызг. Ус амардис, æмæ лæг дыккаг ус æрхаста. Уымæй дæр ын райгуырдис лæппу æмæ чызг.

Раджы, тынг раджы, иу хъæугæрон ныллæг агъуыст хæдзары цардысты мæгуыр ус æмæ мæгуыр лæг. Уыдонæн уыдис иунæг лæппу – Бæби.

Цардысты æмæ уыдысты дыууæ æмбалы – Асæхмæт æмæ Мæхæмæт. Тынг уарзтой дыууæ дæр искæй мæстæй марын, фæлæ сын сæ искæй асайай, уый гæнæн нæ уыди. нæхи та зын асайæн уыд æмæ иу сæ дыууæ фæлвæрдтой кæрæдзи зондæй стæй хъаруйæ дæр.

Раджыма — раджы Амонд, Зонд æмæ Хъæздыгдзинады ʼхсæн рауад ахæм ныхас.

Нæ аргъауы архайджытыл сæфт фæцæкодта фыр зивæгæй. Æмбисонды магусатæ куыстæй сæхи æмбæхстой, фæлæ сæ иуæн нæ рауад кæронмæ æмбæхстæй бадын. Куыдæй? Фенут аргъауы.