Амыраны рухс. Финал

Фестиваль «Амыраны рухс» кæронмæ æрхæццæ. Нæ республикæйы курдиатджын фæсивæд сæ арæхстдзинад æвдыстой сæ районты сценæтыл. Уым арæзт цыдысты фестивалы муниципалон къæпхæнтæ. «Амыраны рухс»-ы кæронбæттæн хай фæндзæймаг хатт сарæзтой Дзæуджыхъæуы. Уалахиздзаутæ сæ спектакльтæ æмæ театралон скъуыддзæгтæ æвдыстой ирон æвзагыл. Мадзал аразджытæ сты Цæгат Ирыстоны фæсивæды хъуыддæгты комитет æмæ фæсивæдон театр-студи «Амыран». Сæ сæйрагдæр хæс уыдис æвзонг артисттæн сæ зонындзинæдтæ фæфылдæр кæнын сфæлдыстадон æгъдауæй. Ноджы ма уымæй ахсджиагдæр хъуыддаг та уыд фæсивæды ирон æвзаг æмæ литературæмæ сразæнгард кæнын.