Ансамбль «Хохаджы» артисттæ

Бузныг, ацы сахатмæ немæ кæй стут, уый тыххæй. Дарддæр хæццæ кæнæм нæ программæ. Ацы къуыри Хæххон Аграрон паддзахадон университет бæрæг кодта йæ 100 азы юбилей. Æнæмæнг, уый ахуыргæнæндоны куысты хъомысджын къæпхæн у. Кадджын мадзæлтты тыххæй нæ телепрограммæ бæстонæй дзырдта, фæлæ ма сæм абон здæхæм. Æрмæст иучысыл æндæрхуызонæй. Нæ абоны уазджытæ сты, Аграрон университеты ном дæрдтыл чи айхъуысын кодта æмæ кæны, уыдон – ансамбль «Хохаджы» артисттæ. Æрбахуыдтам, йæ цардуалдзæджы азтæ ацы аивадон къорды чи арвыста, уый – Теблойты Мураты, стæй ансамблы `взонгдæр артисттæ Цоколаты Мæдинæ æмæ Кокуаты Артуры. Табуафси, мидæмæ рахизут æмæ мах уемæ зæрдæбынæй аныхас кæнæм.