Скъоладзаутæ æмæ сæ ныййарджытæ сæхи цæттæ кæнынц ног ахуыры азмæ, уæдæ ирон авзыгыл æнувыд чи у, уыдонæн дæр мæм ис иу хорз хабар, ацы аз фыццаг къласмæ чи бахиздзан, уыцы сабитæ ахуыр кæндзысты ног абетæйыл. Йæ автортæ Дзтиаты Эммæ æмæ Сидахъаты Анжелика. Цавæр куыст цæуы ныртаккæ скъолаты, æмæ ирон авзаг ахуыр кæныны урокты ногæй цы фæзындзæни? Ууыл æрныхас кæндзыстæ нæ республикæйы ахуырады æмæ наукæйы министрады, национ хайыды сæргълæууæг Нæкуысаты Иринæимæ.
Анзи даргъи на телканалбал еудагъ кодта проект «Кæрдæг». Йа автор Габути Альбина ама зонадон — кустадон центр «Бионариум»-и косгути зарди арафтудай конкурс исаразун. Йа сайраг гъуди адтай кардагути ирон намтта арамбурд канун. Бера адан сахе рахаттонца ачи конкурсма. Ачибон уа базонга канджин уалахездзауи хацца. На студий Габути Альбина æмæ Санахъоти Диана.
Хæрз æрæджыдæр ма ацы студийы дзырдтам, сæрдыгон бонтæ сæ тыхы кæй бацыдысты, уый тыххæй. Цыбыр рæстæг рацыд, æмæ ныр зæгъын: тагъд фæззæг йæ барты бацæудзæн. Уымæн æмæ Ирыстоны ахицæн сты Майрæмтæ. Адæмы уырнынадмæ гæсгæ та уыцы бонты фæстæ фæззæг ралæууы. Фæззæг та нымад у тыллæгæмбыргæнæн заманыл. Ирон адæммæ ахсджиаг афоныл. Иу бæрæгбон иннæйы ивгæ фæцæуы, æмæ се ппæт дæр баст вæййынц зæххы куыстимæ. Уæдæ хæстæгдæр рæстæг цавæр ахадгæ бæрæгбæттæ уыдзæн, ууыл та æрныхас кæндзыстæм Цæгат Ирыстоны социалон æмæ гуманитарон иртæстыты институты наукон кусæг, этнограф Бититы Батрадзимæ.
Дзæуджыхъæуы рацыд цыбыр киноныв «Тудджын». Конд æрцыди историон цаутæм гæсгæ. Йæ сæйраг хъайтар у хохаг лæг Уый йæ дард балцы ацыди йæ фыды туг райсынмæ. Кинонывы кæрон цымыдисаг рауади. Йæ режиссер æмæ сценарист у Бæгъиаты Зауырбег. Сæйраг ролы та дзы ахъазыд Цагат Ирыстоны æмæ Кæсæг Балхъары сгуыхт артист , Уалыты Гиви. Абон нæм æрбацыдысты уазæгуаты, æмæ сын ныртæккæ сæхи афæрсдзынæн бæлвырддæр.
