Ныртæккæ Валер райсомы фараст сахатæй изæры æхсæз сахатмæ вæййы йæ æрмадзы. Ам удæнцой райсы. Дзауматæ аразгæйæ арæх йæ хъуыдыты ацæуы, æмæ йæ зæрдæйы алыхуызон æнкъарæнтæ раргом кæны. Арæхдæр баст вæййынц фыдæлты фарн æмæ æгъдауимæ. Валер тынг æнувыд у ирон культурæйыл, æмæ йæ зæрдæ риссы, ирæтты удварны хæзнатæм куыдфæндыйы цæстæй кæсын кæй байдыдтой, ууыл.

Æнæмæт цард аивадыл æвзæрырдæм зыны. Афтæ нымайы нывгæнæг-монументалист Хетæгкаты Аслан. Сфæлдыстадон куыстæй уæлдай ма йæхи æвзары разамонæджы бынаты дæр. У Дзанайты Азанбеджы номыл аивадон училищæйы сæргълæууæджы хæстæ рæстæгмæ æххæстгæнæг. Уæдæ цымæ цавæр сты нывгæнæджы æмæ ахуыргæнæджы хъынцъымтæ?

Цæллагты Фатимæ ирд ахорæнтæй фæлынды канд йæхи нæ, фæлæ ма йæ бирæ хъомылгæнинæгты цард дæр. У нывгæнæг, кусы акварелимæ, аивады фидæны дæснытæн уарзын кæны сфæлдыстады ацы хуыз. Нæ радон программæ «Æрмадз»-ы нын Цæгат Ирыстоны сгуыхт нывгæнæг радзурдзæн акварелимæ куысты сусæгдзинæдтæ, йæ диссаджы бæлцыты тыххæй æндæр бæстæтæм. Уæдæ йæ фидæнимæ цы ныфсытæ бæтты, уый дæр базондзыстæм.

Бырнацты Дианæ йæ гыццылæй нырмæ хуыйыныл тынг æнувыд у. Судзин æмæ йæм æндахимæ архайынæй хуыздæр ницы кæсы. Уымæ йæ сразæнгард кодтой йæ мад æмæ йæ нана, стæй фæллойы уроктæ скъолайы. Уæдæй абонмæ хуыйыныл йæ зæрдæ нал сивта. Базыдта ма æрмдæсныйады æндæр сусæгдзинæдтæ дæр.

Джыккайты Мурат бирæвæрсыг нывгæнæг у. Цæгат Ирыстоны национ гербы автор у цæстуарзон ахуыргæнæг æмæ хистæр. Æрæджы не сфæлдыстадон къорды уæнгтæ сгуыхт нывгæнæджы дуар бахостой, æмæ дзы цы федтой, уый уын æвдисæм.

Хетæджы къохы бын æрлæууæн, Бирæгъзæнджы мемориалы автор, Кады Мемориалы автортæй иу Кучиты Аслæнбег нæ ног равдысты хъайтар.

Æрыгон нывгæнæг Сæбанты Ирбег нæ программæйы ног рауагъды герой.

Ацы рауагъды не сфæлдыстадон къорд уазæгуаты уыд Цæгат Ирыстоны сгуыхт нывгæнæг Айларты Владимирмæ.

Адæймагæн йæ зæрдæйы конд фæзыны йæ цардвæндагыл. Султан Аслаханов йæ ахуыргæнæгимæ сывæллонæй базонгæ ис. Лæппуйæн уыдис хи фыдау, ноджы ма хистæр æфсымæр æмæ зондамонæг дæр. Уый йæ канд æлыгимæ кусын нæ сахуыр кодта. Бацамыдта йын царды бирæвæрсыг фæзилæнтæ.

Адæймагæн йæ миддуне рæсугъд куы уа, уæд йæ алыварс дæр саив кæныныл архайдзæн. Æрмдæсны Бæзаты Владимир алцæмæдæр арæхсы. Æнæуд æрмæджыты цыма цард бауадзы, афтæ фæкæсы, йæ дзаумæттæ кæмæн балæвар кæны, уыдонмæ.