Демографи, кадрты кусæджы бон æмæ «хорзæй баззай, скъола!» I Йæ рæстæгыл

Ирыстоны нæлгоймæгтæ цæй тыххæй сты къаддæр? Куыд ахады уый æхсæнадыл? Æмæ иннæрдæм — куыд ахады æхсæнад йæхæдæг уыцы уавæрыл? Æппæт уыдæттыл йæ рæстæгыл дзырдтам нæ студийы уазæгимæ. Æрбацыд нæм, уыцы хъуыддæгтæ иртасынæн йæхиуыл чи нæ ауæрды, ахæм ахуыргонд. Нæ ныхасы сæр ма уыдысты, æрвылбон фæсаууоны чи ис, фæлæ алы куыстуаты дæр ахсджиаг хæстæ кæй бæрны сты, уыдон. 24-æм майы фæбæрæг кæнынц кадрты кусæджы бон. Сæ бæрæгбоны нæм æрбацыдысты студимæ. Уæдæ ацы бонты скъолаты кæртытæ та уæлдай æмызмæлд кæндзысты — йæ рæстæгыл æрхæццæ фæстаг дзæнгæрæджы афон. Царды уæрæх фæндагмæ кæй фæндараст кæндзысты ахуыргæнджытæ, уыдон уыдысты нæ программæйы архайджытæ. Æмæ уал нырма — сæ ахуыргæнæгимæ. Фæлæ цы сты сæ фидæнмæ бæллицтæ, цымæ? Уый тыххæй нын сæхæдæг радзырдтой.