Экологийы уавæр, ахуырадон форум æмæ ахсджиаг æмбырд | Йæ рæстæгыл

Боныхъæды ивддзинӕдтӕ, уӕлдӕф ӕмӕ доны чъизи, хъӕд кæй цӕгъдынц ӕмӕ цӕрӕгойты сӕфт уавӕр дызæрдыккаг никæмæн сты. Æмæ дзы аххосджын у адæймаг йæхæдæг. Цӕмӕй уыцы проблемӕтӕм ӕргом здахӕм, уый тыххæй арӕзт æрцæуынц экологон зонындзинӕдты бонтæ. Сæ ахадындзинады тыххæй дзырдтам нæ равдысты фыццаг хайы уазджытимæ. Æрныхас ма кодтам, нæ республикæйы ахуырад æмæ наукæйы министрад, горæты ахуырады разамынд æмæ Æппæтадæмон æхсæнадон змæлд «Аланты Ныхас»-ы ахуырад æмæ ирон æвзаджы хъуыддæгты фæдыл комитет иумæйаг хъæппæрисæй цы форум сарæзтой, уый тыххæй. Уымæй уæлдай ма не ’ргом аздæхтам, æрæджы Дзæуджыхъæуы Цæгат Ирыстоны пысылмæттæ æхсæнады хъæппæрисæй цы тымбыл стъол арæзт æрцыд, уымæ дæр. Дзырдтой дзы адæмы иудзинад æмæ удысконды хуыздæр миниуджытæ парахат кæныныл.