Фестиваль «Танец с кинжалами», социалон кусæджы бон æмæ ЗАГС-ы ивддзинæдтæ | Йæ рæстæгыл

17-æм июны Дзæуджыхъæуы сараздзысты фестиваль «Танец с кинжалами», зæгъгæ. Баст у зындгонд хореограф, балетмейстер Битарты Зауырбеджы номимæ. Нæ студийы уазджытимæ æрдзырдтам фестивалы сусæгдзинæдтыл. Æрæджы ма Уæрæсейы бæрæг кодтой социалон кусæджы бон. Цас ахсджиаг у нæ дуджы уыцы дæсныйад, цавæр зындзинæдтæ дзы ис æмæ цавæр миниуджытæй хъуамæ хайджын уа социалон кусæг? Йæ рæстæгыл уый уыд нæ дзуринаг. Ахсджиаг ныхас ма нын рауад бинонты цардывæткыл. Растдæр дзургæйæ та, йæ къайад фехалын кæй зæрды æрæфтыд, ахæм адæмыл. Чи хицæн кæна, уыдоны, ног закъонмæ гæсгæ, паддзахадæн хъалоны хуызы бафидын хъæудзæн фæйнæ 5000 сомы. Куыд сахаддзæн уый сæ цардыл, стæй уæвгæ дæр сахаддзæн æви нæ? Бæлвырддæр хабæрттæ базондзыстут нæ равдыстæй.