Фосмæ зилыны хабæрттæ, фæндæгты уавæр æмæ УФ-йы адæмты иудзинад | Йæ рæстæгыл

Уалдзӕджы ралæудимæ зæлдаг кæрдæгыл хизынмæ сæ фосы аскъæрынц, хъæууон хæдзарадыл æнувыд чи у, уыдон. Сфæнд кодтам, цæмæй уын йæ рæстæгыл радзурæм, стыр æмæ лыстæг фосы афæдзы ацы афон цавæр низтæй æмæ куыд бахъахъхъæнæн ис, уый тыххæй. Нæ равдысты дыккаг хайы та «Адæмон фронт»-ы минæваримæ дзырдтам, Дзæуджыхъæуы кæцы уынгтæм тынгдæр хъæудзæн базилын, ууыл. Куыд базыдтам, афтæмæй ма кæсынц фæндæгты уавæрмæ. Уæлдай æдзæллаг уыдон вæййынц уалдзæджы. Равдысты кæронбæттæны та нæ темæ уыд адæмты хæлардзинад. Цавæр мадзæлттæ арæзт цæуынц нæ республикæйы ахæм ахастытæ фидар кæнынæн, стæй куыд ахадынц патриотон хъомыладыл? Уыцы фæрстытæн нын дзуæппытæ радта нæ студийы уазæг.