Дыууæ азы размæ царды рацыд хъæрмуæттæ аразыны тыххæй паддзахадон программæ. Абон дзы æнтысджынæй пайда кæнынц, кусын чи уарзы, уыцы адæм. Цы сын æнтысы æмæ цавæр продукци равзардзæн фæлхасгæнæг, уый та базондзыстут нæ радон «ХæдзарАдон» программæйæ.

Уæрæсейы хъæууон хæдзарады специалисттæ куыд сбæрæг кодтой, афтæмæй ацы мæй хойраджы æргътыл бафтдзæн. Аххосæгтæй иу у, быдырты хъæздыг тыллæг кæй не `рзад, уый. Уæдæ боныхъæд дæр зæрдæйы фæндиаг нæ рауад. Æмæ кæд къæвдаджын бонтимæ тох кæнын зын у, уæд быдыртæ хус кæнын ма бауадзынæн мадзал ис. Зæгъæм, донхорыггæнæн системæйы руаджы. Аслам нæу, фæлæ дзы цæмæй хæдзарæдтæ спайда кæной, уый тыххæй нæ республикæйы сфидар кодтой паддзахадон программæтæ. Куыд сæ `ххæст кæнынц æмæ дзы ныронг чи спайда кодта, уый тыххæй радзурдзыстæм нæ радон «ХæдзарАдон» программæйы.

Уæрæсейы Федерацийы хъæууон хæдзарады æмæ хойраджы министрад дыккаг хатт расидт конкурс «Вкусы России».

Цард куыд амоны, афтæмæй рагæй æрæгмæ дæр адæймаг йæхи дардта зæххы руаджы, фæлæ цас фылдæр пайда кæнæм йæ хъæздыгдзинæдтæй, уый бæрц йын зиан дæр хæссæм. Æмæ абон нæ ныхасы сæр у хъæууон хæдзарады райрæзт æмæ экологийы уавæр. Цæмæй тæссаг у æрдзæн, уый тыххæй та нын радзурдзæн нæ республикæйы зындгон эколæг, æхсæнадон палатæйы уæнг Æлборты Иван.

Биологон æви химион хъацæнтæ, цыхуызæн у æмæ цы пайда хæссы «Габробракон», куыд хъахъхъæнынц хъæууон хæдзарады культуртæ æрдзон фыдбылызтæй, зианхæссæг кæрдæджытæ æмæ цæрæгойтæй? Ацы æмæ æндæр фæрстытæн программæ «Хæдзарадон»-ы фæлгæты дзуапп дæтты Паддзахадон унитарон куыстуат «Россельхозцентр»-ы сæргълæууæг Тотраты Олег. Зонгæ уæ кæнæм нæ республикæйы хъæууон хæдзарады сгуыхт кусæг Тотайты Юрийы фæллойадон фæндагимæ дæр.

Ивгъуыд аз кæд баст у пандемийæ æмæ йæ фæстиуджытимæ, уæддæр фарон 1мин 136 гектары фæзуатыл бындур сæвæрдтой фидæны дыргъдæттæн. Афтæймæй республикæйы сæ иумæййаг фæзуат сси 3 мин 641 гектары. Куыд цæуынц куыстытæ æмæ ма цæмæ хъæуы æргом аздахын? Ацы æмæ æндæр фарстатыл аныхас кæндзыстæм хъæууон хæдзарады управленийы разамонæг Къадзаты Игоримæ.

Программæ «Хæдзарадон»-ы 2-аг рауагъды ныхас цæуы нæ республикæйы фосдарынады къабазыл. Бабæрæг кодтам фермерон хæдзарæдтæ æмæ аныхас кодтам РЦИ-Аланийы хъæууон хæдзарады управленийы разамонæг Къадзаты Игоримæ.

Фыдæлтæй баззад ныхас, «Зæхх – нæ дарæг, Хур – нæ тавæг». Ног проект «ХæдзарАдон»-ы уæ зонгæ кæндзыстæм нæ республикæйы хъæууон хæдзарады райрæзтимæ. Цы æвæрæн хæссынц фермертæ нæ экономикæмæ æмæ сын куыд æххуыс кæны паддзахад? Дзурдзыстæм бирæ азты дæргъы зæххæн лæггад кæнынæй чи нæ фæллайы ахæм хъазуатон адæмы тыххæй.

Фыццаг рауагъды уæ базонгæ кæндзыстæм фæззыгæндты хатдзæгтимæ æмæ радзурдзыстæм зæххæн лæггад кæнынæй чи нæ фæллайы, уыцы адымы тыххæй.