Адӕймаги къохтӕ! Ци устур хъаурӕ си ес, ци берӕ рӕвдуд си ес! Дӕ къохтӕ фӕрнӕй фӕддарӕ, уотӕ арӕх фӕззӕгъунцӕ нӕ равдисти хъайтар Гӕзӕлти Оляйӕн…
Оля ӕ царди устурдӕр ихӕсбӕл нимайуй адӕмӕн лӕггадӕ кӕнун, адӕмӕн сӕ уавӕр фӕррӕуӕгдӕр кӕнун. Уотӕ зӕрдӕй архайуй ӕма ӕй арӕх ӕхе уод барӕвдаунмӕ евдӕлгӕ дӕр нӕ ракӕнуй.
Зӕрдӕй рӕсугъд ка фӕууй, йетӕ адӕми ӕхсӕн бӕрӕг фӕддарунцӕ сӕ али гъуддагӕй дӕр. Гӕзӕлти Оляйӕй хъӕбӕр боз ӕнцӕ ӕ берӕ хеуӕнттӕ, зонгитӕ, ӕ тумугъ синхонтӕ.
