Нæ уазæджы хистæрæй-кæстæрæй се ппæт дæр зонынц куы зæгъон, уæд, æвæццæгæн, нæ фæрæдийдзынæн. Æрыгæттæй та бирæтæ йемæ тынг æнгом баст сты. Куыд рауад афтæ? Ахуыргæнæг сын у. Уыимæ царды дæр. Мæнмæ æргом адæймаг кæсы. Рæдийын æви нæ, уый абон базондзыстæм.
Стæй мæм куыд кæсы, афтæмæй йæ зæрдæйы арфы цы хъуыдытæ ис, царды фæндагыл цæугæйæ цы хатдзæгтæ скодта, уыдон дæр нын нæ басусæг кæндзæн. Кæй кой кæнын? Сæбанты Тамерланы – æнхъæлдæн æрбацыд.

Дохтыры дæсныйад кæддæриддæр кадджын уыд. Нæ хистæртæн ма суанг æмбисондæн баззад: «Бинонтæй иу хъуамæ дохтыр уа», зæгъгæ.

Цæгат Ирыстоны хорз дохтыртæ бирæ уыдысты. Æмæ сты. Сæ фылдæры сын номæй-номмæ зонæм. Нæ абоны уазæгæй дæр бузныг бирæтæ сты. Кæмæндæр цард фенын кодта, кæйдæр фервæзын кодта, кæмæндæр та хорз æмбал у.

Фæлæ йæхи зæрдæйы та цавæр æнкъарæнтæ ис? Цин æмæ йын æхсызгон цы вæййы? Йæхи йын бафæрсæм. Абон нæ уазæг у Æлбегонты Светланæ.

Хорзы кой дардмæ хъуысы… Уый, æцæгæйдæр афтæ у. Нæ алыварс куы акæсæм, уæд цал æмæ цал адæймаджы ссардзыстæм, иннæтæн хорздзинад ракæнын йæ хæсыл чи нымайы, ахæмтæ.

Иуæй иу ныййарджытæм куы фæкæсын, уæд арæх цæуыл ахъуыды кæнын, уый уын схъæр кæнон. Сылгоймæгтыл… Сæ хъару æмæ лæмæгъдзинадыл, сæ тых æмæ сæ фæлмæндзинадыл… Стæй уарзондзинад куыд алывæрсыг у, ууыл.

Уый, æвæццæгæн, уæхæдæг дæр хорз зонут æмæ æмбарут. Нæ абоны уазæг дæр стыр уарзæгой зæрдæйы хицау у. Бынат дзы ис аивадæн, уæлдайдæр та театрæн, йе мкусджытæн, йæ алыварс чи ис, уыдонæн. Сæйрагдæр та – бинонтæн æмæ сывæллæттæн. Уыдон та йын 4 сты.

Куыд æххæссы алцæуыл дæр. Зын у бирæсывæллонджын мад æмæ актрисæ уæвын, уый дæр мæм цымыдисаг кæсы. Фæлæ кæй кой кæнын, уый абон у мæ уазæг æмæ йын йæхи бафæрсæм.

Плиты Нодары бирæ кæимæ барстой. Чи йæ «Riverdánce»-ы солисты хуызæн хуыдта, чи та йыл кафты бардуаджы ном сæвæрдта… Ахæм стыр аргъ та хуымæтæджы не `скæнынц. Йæ фыццаг къахдзæфæй, фыццаг къухы айстæй се `ппæты дæр райсы аивады уацары æмæ сын сæ зæрдæтæм бауадзы рæсугъддзинад æмæ йæхи зæрдæйы хъарм. Афтæ ныр бирæ азты.

Мæ абоны уазæг йæ цард снывонд кодта сывæллæттæн. Ныр бирæ азты разамынд дæтты Дзæуджыхъæуы зæронддæр скъолатæй иуæн. Фæлæ сæйрагдæр уый нæу. Сæйрагдæр у – йæ уды хъарм, йæ зонындзинæдтæ, йæ уарзондзинад сывæллæттæн кæй не вгъау кæны, уый.

Ис ма иу фиппаинаг. Куыддæр афтæ рауайы æмæ бирæ нæлгоймæгтæ скъолайы нæ бафæстиат вæййынц. Сæ цард æндæр дæсныйадимæ сбæттынц. Цæмæн афтæ рауайы, уымæн алыхуызон аххоссæгтæ ис. Абон уыдоныл нæу нæ ныхас. Абон мæ фæнды адæймаджы миддуне базонын, йæ зæрдæмæ йын ныккæсын. Кæй кой кæнын? Бирæтæн зонгæ ахуыргæнæг æмæ зондамонæг – Дзеранты Æхсарыл. Цыма æрбацыд, афтæ мæм кæсы, йæ къæхты хъæр ын айхъуыстон.

Тайсауты Оледжы республикæйы зонынц иууылдæр. Адæмы зæрдæтæм фæндаг хæрз æрыгонæй ссардта. Уæвгæ, æвæццæгæн, адæймаджы куы фæнда иннæтæн æхсызгондзинад хæссын, равзæрст фæндагыл рæсугъд къахдзæфтæ кæнын, уæд йæхиуыл уæлдай тынгдæр кусдзæн. Йæ размæ уæлдай хæстæ æвæрдзæн.

1, 2, 3, 4 ….10-æй фылдæр… Чи уыд æнхъæл æмæ хуымæтæг алагираг лæппу, фæстæдæр районы администрацийы кусæг кинонывтæ исдзæн.

Нæ абоны уазæджы фæллойадон фæндаг даргъ у.

Фæлæ цæмæй хицæн кæны? Йæ райдианæй ныры онг баст у ахуырад æмæ рæзгæ фæлтæримæ.

Ахуыргæнæджы кæнæ хъомылгæнæджы куыст чи зоны, уыдон æй бамбардзысты – ацы дæсныйад æнцон кæй нæу, уый. Фæлæ йыл йæ зæрдæ чи нæ сивы, æнувыд ыл чи у, уыдон сæ куысты фæндагыл рæсугъд къахдзæвтæ кæнынц. Сæ рауагъдонты уарзондзинад та сын æппæтæй стырдæр хæрзиуæг у.

Ахуыргæнæгæн йæ ном йæ уæлæ, фæлæ сæхæдæг та, сывæллæттимæ кусгæйæ, цæуыл сахуыр вæййынц. Цавæр хъуыдытæ сæм вæййы? Цæмæ бæллынц? Искуы уын сæ схъæр кодтой?

Гъе, уæдæ абон сæ иуимæ фембæлæм. Æнхъæлмæ та кæсын Калоты Тамарæмæ.

Æрыгон кафаг лæппу афтыд Китаймæ æмæ ныр йæ арæхстдзинад æвдисы дунейы хъуыстгонддæр цирктæй иуы. У кафæг æмæ бæхылбадæг… Ацы бонты ис Цæгат Ирыстоны æмæ мын рауад йемæ фембæлыныл баныхас кæнын. Абон Хъотайты Батрадз у нæ уазæг.