22 азы размæ 20-æм сентябры Гæналдоны йæ бынатæй феуæгъд Хъолайы цъити. Специалисттæ куыд зæгъынц, афтæмæй фыдблызы аххоссаг уыди, зæххы уæлцъар йæхи мидæг кæй банкъуыст, уый мидæг. Йæ азарæй фесæфт 100 адæймадгæй фылдæр. Нæ студийы æрымысыдыстæм уæды бонты цаутæ.
Техникон фæрæзтæй адæм бæрц зонгæйæ куы пайда кæной, уæд уый цардыл æрмæстдæр хорзырдæм ахаддзæн. Ууыл хъуыды кæнгæйæ, Цæгат Ирыстоны медицинон академийы студенттæн сарæзтой технологон амалхъомдзинады ахуыртæ. Цы пайда сæ ис, уый тыххæй та фидæны дохтыртимæ æрнхас кодтам.
«Йæ рæстæгыл» ма не `ргом аздæхтам ног закъоны проектмæ. «Студентон бинонтæ»- ахæм статус федералон æмвæзадыл ныффидар кæныл архайдзысты нæ бæстæйы депутаттæ. Куыд баххуыс кæндзæн æрыгæттæн æмæ цы хуызы фæзындзæн демографийыл? Ацы фæрстытæн дзуапдæттæг дæр разындзæн.
Уымæй уæлдай ма базыдтам, Мамысонгомы археологтæ цавæр рагон дзаумæттæ ссардтой æмæ Мыклгабыртæ ирон адæмæн цы нысан кæнынц, уый.
