Ирон дӕн ӕз

Фæстаг азты республикæйы бирæ æхсæнадон, æнæкоммерцион, спортивон æмæ æндæр организацитæ фæзынд. Фылдæр сæ размæ æвæрынц цард аив ӕмӕ бӕркадджын кӕныны хæс. Кæмæн куыд æнтысы, уый хицæн равдысты аккаг у. Мах та бæстондæрæй æрныхас кæнын фæнды сæ иуыл. Цы куыст кæны, уый канд ирондзинад бахъахъхъæнынимӕ баст нӕу. Фӕнды сӕ алы фæлтæрты æрбангом кæнын, цæмæй адæм иудзинадыл хæст уой. Сӕ ном дӕр афтӕ у – «Иудзинад». Фембӕлдыстӕм ацы æхсæнадон змæлды уæнгтимæ ӕмӕ аныхас кодтам, фӕсивӕдимӕ сæ куыст куыд аразынц, ууыл.