Ирыстоны курдиатджын фæндырдзæгъджытæ

Æвадза, куыд ахсджиаг у сывæллоны хъомылады ахæм уавæртæ саразын, цæмæй йæхи алыхуызæн æркастыты æмæ конкурсты бафæлвара. Уымæн æмæ ам саби фены йæ тыхджын æмæ лæмæгъдæр миниуджытæ, уыимæ та бирæ ног зонындзинæдтæ дæр райсы. Зæгъæм, фæстаг рæстæг курдиатджын сывæллæттæ æмæ фæсивæд раиртасынæн арæзт цæуы бирæ мадзæлттæ. Сæ иу, æрæджы Дзæуджыхъæуы, Уæрæсейы сгуыхт артисткæ Мыстулаты Иринæйы номыл цы фæндырдзæгъджыты конкурс ацыди, уый. Архайдтой дзы æрыгон æххæстгæнджытæ æнæхъæн республикæйæ дæр. Уыимæ та ирон фæндыр æрмæст ирæтты не лвасы йæхимæ. Нæ студийы уазæг у уырыссаг, фæлæ æнæ фæндыр йæ цард нæ уыны. Кæм базонгæ ис йемæ, стæй йын æй чи бауарзын кодта, базыдтам ацы райсом.