Зæххæнкъуыстыты фæстиуджытæ фæкъаддæр кæныны мадзæлттæй иу у сейсмологон картæ скæнын. Йæ саразыны хæс сæхимæ райстой Уæрæсейы Наукæты академийы Дзæуджыхъæуы наукон Центры кусджытæ. Кæмæн æмæ цæмæй уыдзæн пайда уыцы картæ? Йæ фæрцы нæ бон нæхи бахъахъхъæнын цы хуызы уыдзæн? Уыдæттыл дзурæм «Йæ рæстæгыл».
Ахуыргæнджытæн баххуыс кæныны æмæ сын сæ курдиат раргом кæныны мадзæлттæ аразынц нæ республикæйы. Зæгъæм, Цæгат Ирыстоны пълан кæнынц «Хуыздæр директор»-ы преми снысан кæнын. Уымæй размæ та ныхас цыд скъолаты кусджытæн «Цæгат Ирыстоны адæмон ахуыргæнæджы» ном дæттыныл. Уыдон фидæны нысантæ сты. Фæлæ чи æрцыд, ахæм цаутæй дæр хъæздыг рауад ацы къуыри. Нæ республикæйы сбæрæг сты 60 хуыздæр скъолайы. Алкæмæн дæр дзы ратдзысты фæйнæ милуан сомы. Уæлахиздзауты фæхуыдтам нæ студимæ. Уымæй уæлдай ма дзырдтам национ ахуырады ахсджиаг проблемæтыл.
