Уæлахизы Бонмæ бирæ рæстæг нал ис. Цæгат Ирыстон æм йæхи цæттæ кæнын райдыдта. Нæ республикæйы бæрæгбоны пъланмæ бахастой Парад, æрвылазон акци «Посмотри в их лица», «Æнæмæлгæ полк». Бархионтæ æфснайдзысты æфсæддонты цыртдзæвæнтæ. бæрнон адæймæгтæ сараздзысты сæрмагонд сайт Фыдыбæстæйы Стыр хæсты архайджыты тыххæй. Уымæ сæ цæст дарынц æхсæнадон организаци «Адæмон фронт» æмæ нæ республикæйы æхсæнадон Палатæ. Æмæ ууыл дзурæм нæ студийы.
Ацы бонты ЦИПУ-йы цæуы хæрздуадæн акци макулатурæ æмбырд кæнынæй. Студенттæ æмæ ахуыргæнджытæ хæссынц сæ æнæхъæугæ тетрæдтæ, докладтæ, зæронд чингуытæ. Куыд фехъуыстам, афтæмæй уал цалдæр бонмæ æрæмбырд кодтой 100 килограммæй фылдæр. Акцийыл дзурæм «Йæ рæстæгыл».
Æрæджы Дзæуджыхъæуы уыд форум «Операци «Æнимаци». Йæ нысан у, мадæлон æвзагыл мультфильмтæ кæнын. Уыцы хъуыддагæн йæ пайда бирæвæрсыг у! Æмæ нæ бафæндыд ууыл бæстондæр æмæ лæмбынæгдæр æрныхас кæнын.
