Фарны хабæрттæ

Фӕлмӕнзӕрдӕ ӕмӕ уӕздан ирон чызг, кӕд скъолайы фӕстӕ ӕндӕр дӕсныйад равзӕрста, уӕддӕр йе взонг зӕрдӕ та рагӕйдӕр ӕхсайдта аивадмӕ. Аивадӕн та ахӕм стыр тых ис, ӕмӕ йӕ уацары куы бахауай, уӕд дзы ницы хуызы уал ис фӕхицӕн кæнæн. Абон нӕ уазӕг у ӕрыгон зарӕггӕнӕг ӕмӕ автор Кодзырты Дианӕ.

Нæ сыхаг Кæсæг-Балхъары горæттæ æмæ хъæуты ирæттæ, дыгурæттæй бирæтæ цæры. Фæлæ иу хъæу та уæлдай уарзон у Ирыстонæн, уымæн æмæ æппæт цæрджытæ дæр сты дыгурæттæ. Нæ культурæ, не взæгыл кæй не сыстырзæрдæ сты хъæуы цæрджытæ Кæсæджы зæххыл, уымæн æвдисæн сты нæ абоны уазджытæ дæр – æнæхъæн Цæгат Кавказы зындгонд, нæ эстрадæйы стъалытæ, курдиатджын хотæ Цæрикъаты Альбинæ æмæ Фатимæ.

Ӕрыгон чызгæн йæ бон уыд æнцонæй амалхъом адæймаг суæвын, фæлæ йæ зæрдæйы цы стыр уарзондзинад уыд аивадмæ, уый йын йæ фæндтæ аивта. Бакастæй фидауцджын, йæ хъæлæс тыхджын æмæ аив, курдиатджын зарæггæнæг Хъесаты Илонæ у абон нæ уазæг.

Зонгӕ уӕ кӕнӕм йемӕ – Цхинвалы бынæттон хиуынаффæйады администрацийы фӕсивӕды, спорты ӕмӕ культурæйы хайады сæргълӕууӕг, зарӕггӕнӕг, Хуссар Ирыстоны сгуыхт артист Тасойты Игорь.

Зынаргъ æмбæлттæ, куыд зонут афтæмæй, мах нæ алы равдысты дæр сымах зонгæ кæнæм Ирыстоны курдиатджын фæсивæдимæ. Нæ абоны уазæгæн æрдз балæвар кодта рæсугъд хъæлæс, уыимæ та ма у диссаджы фæндырдзæгъдæг дæр. Нæ студийы Цæгат Ирыстоны оперæ æмæ балеты паддзахадон театры солист Габанты Марат.

Хъæздыг æмæ фæрнæйдзаг у Ирыстоны зæхх хорз æмæ суинаг кæстæртæй. Хуыцау стыр курдиат рæдауæй кæмæн бахай кодта, æмæ адæмы уарзондзинадæй æххæст чи у , уыдонæй иу у æрыгон курдиатджын зарæггæнæг Джихаты Рустам. Абон у нæ студийы уазæг.

Афтӕ фӕзӕгъынц, курдиат зӕххы бын ныккӕнӕн нӕй, стӕй йын балхӕнӕн дӕр нӕй. Уæдæ курдиатджын фӕсивӕд куыд нӕй Ирыстоны!? Зарӕггӕнджытӕ, фӕндырдзӕгъдджытӕ, кафджытӕ ӕмӕ афтӕ дарддӕр. Нӕ абоны уазӕг дӕр ӕнӕмӕнг уыдонӕй у – музыкант, фӕндырдзӕгъдӕг Кокойты Эльбрус.

Фыдæлтыккон зæхх æмæ фыдæлтыккон зарджытæй йæхи амондджын чи хоны, бирæ азты дæргъы сын хорз кæстæриуæг чи кæны æмæ фыдæлты фарн зарæджы хуызы адæмы размæ чи хæссы, уыдон сты нæ абоны уазджытæ – Цæгат Ирыстоны национ, паддзахадон, ирон зарæггæнджыты къорды архайджытæ: Цæгат Ирыстоны сгуыхт артист Байты Юрий æмæ дæсны зарæггæнгæг Хъазахты Олег.

Талант в совокупности с трудолюбием, желанием жить и творить. Диджей, идущий в ногу со временем, радиодиджей, создающий сплошной позитив в эфире, музыкальный продюсер, помогающий продвигать местных музыкантов и их творчество. Это всё он – Dj Alex (Алексей Битаров).

Среди творческих людей часто можно встретить таких личностей, которые очень часто меняют профессию, место работы, у них постоянно появляются другие интересы в жизни. Что-то получается, что-то – не очень, но они идут вперёд, впитывая всё новое. Спартак Лагкуев тоже постоянно в творческом поиске, а успехи вдохновляют его на новые свершения.