Кудзойты Анжелæ

Мадæлон æвзаг! Йæ наци чи уарзы æмæ йын кад чи кæны, уымæн ацы дыууæ дзырды сты тынг зынаргъ, уымæн æмæ æвзаг у адæмыхатты æппæты зынаргъдæр хæзна. Хæзна та хъæуы хъахъхъæнын! Не ’взаг куы нæ уарзæм, куы нæ йыл аудæм, куы нæ дзы пайда кæнæм, уæд хæххон суадонау басур уыдзæн. Ирон æвзагимæ йæ цард чи сбаста, мадау адджын кæмæн у, йæ рапарахат кæныныл алы бон дæр чи кусы, уыдон та сты ирон æвзаджы ахуыргæнджытæ. Æвæццæгæн æмæ цын абоны бон æмбæлгæ аргъ нæй. Уæлдай вазыгджындæр куыст та кæнынц, ирон æвзаджы ахуыргæнджыты æмæ иртасджыты чи цæттæ кæны, уыдон. Æмæ сæ иуы æрбахуыдтам нæ студимæ. Абон нæм уазæгуаты ис филологон наукæты кандидат, доцент, ирон æвзаг æмæ литературæйы кафедрæйы разамонæг Кудзойты Анжелæ.