Къуымæриттаты Тенгизæн йæ цардвæндаг, æвæццæгæн, йæ гыццылæй дæр бæрæггонд уыд. Уæвгæ, сфæлдыстадон бинонты чи схъомыл, уый музыкæ хъуамæ куыд нæ уарза! Царды та цымæ аргъ цæмæн кæны? Уый нæ базонын бафæндыд.

А-изæр уæ базонгæ кæндзыстæм æрыгон политикон æмæ æхсæнадон архайæг Фидараты Таймуразимæ. Республикæйы йæ бирæтæ зонынц. Цымæ йæхицæн ахæм фæндаг цæмæн равзæрста? Зын у æви нæ? Йæ цин æмæ мæт цы сты?

Нæ абоны уазæг кæддæриддæр уæздан, мидбылхудаг, йæ ныхас та — фæлмæн æмæ рæсугъд. Йæ литературон хъайтартæ бирæтæн систы уарзон. Æрмæст Тетейы æмæ Бабайы аргъæутты кой куы скæнæм, уæд æй бамбардзыстут, кæй кой кæнæм, уый. Нæ зæрдиаг уазæг у Будайты Милуся.

«Темыры кæстæр чызг», «Дысоны фын», «Фæстаг бæх». Чиныгкæсджытæн ацы уацмыстæ зонгæ сты. Адæмайджы миддуне чи æргом кæны, æхсæнады алыхуызон æууæлтæ чи æвдисы, уый йæхæдæг та цавæр зæрдæйы хицау у?

Абон нын фадат ис йемæ фембæлынæн æмæ, йæ зæрдæйы арфы цы хъуыдытæ ис, уыдон базонын. Ныхас кæнæм фыссæг Агънаты Гæстæнимæ.

Нæ абоны уазæг зарæггæнæг у. Йæ репертуары сты классикон æмæ эстрадон уацмыстæ, цæгъды музыкалон инструменттæй дæр. Кæдфæнды йыл куы сæмбæлай, — æдзух вæййы мидбылхудаг, хъæлдзæг. Тынг æхсызгонæй æнхъæлмæ кæсæм Фардзинты Батрадзмæ.

Бирӕтæ ӕнхъӕлынц, ӕмӕ артистты цард сценӕйы куыд вӕййы, афтӕ у. Цӕхӕркалгӕ, ирд, рӕсугъд, хъӕлдзӕг ӕмӕ ӕнӕмӕт. Афтӕ у ӕви нӕ, ууыл ныхас кодтам Хъуысаты Эльвирӕимӕ.

Йӕ зӕрдӕйы арфы цы ис? Цӕуыл фӕцин кӕны? Ӕгӕрон уарзт кӕй кӕны? Уый нын нӕ басусӕг кодта.

Ахуыргæнæгæй кусын æнцон у? Уыимæ ма зонадон куыст кæнын. Скъолайы куыст чи равзæрста, уый йыл йæ зæрдæйæ нал сивдзæн. Йæ зæрдæ сывæллæттæн чи раргом кæны, уымæн йæ уды бирæ хъæрмуддзинад æмæ уарзондзинад вæййы. Ахæм адæймаг у Сидахъаты Анжелæ.

Нæ уазæджы республикæйы бирæтæ зонынц. Зонынц æмæ йӕ уарзынц. Йæ мидбылхудтæй, йæ хъæлæсæй, йæ фæлмæндзинадæй адæмы зæрдæтæ балхæдта. Цымӕ, адæймаг хъуамæ цавæр миниуджытыл хæст уа, цæмæй иннæтæн уарзон уа? Йæ зæрдæйы цас уарзондзинад хъуамæ уа, æмæ дзы иннæты рæдауæй хайджын кæна? Уыцы ӕмӕ ма нын бирӕ ӕндӕр фӕрстытӕн дзуапп зӕрдиагӕй радта Томайты Миланæ.

Дзебойты Регинæ Горæтгæрон районы цардимæ æнгом баст у. Уарзы йæ алыварс чи ис, уыдоны æмæ архайы алкæмæндæр баххуыс кæныныл. Йæ хъуыдытæ та раргом кæны мыхуыры фæрæзты фæрцы.

Абон уазæгуаты ӕнхъӕлмӕ кӕсын цымыдисаг адӕймагмӕ. Джусойты Клавдия ӕмӕ йе ‘фсымæртæ Ирыстонæн удуæлдайæ балæггад кодтой, бирæ хæрзты йын бацыдысты. Адæмæн дӕр уарзон систы.
Уӕдӕ Клавдия цы радзура, уый куыд нæ ис? Йӕ зӕрдӕйы цы сусӕгдзинӕдтӕ ис, уыдон нын а-изӕр раргом кодта.