Иу зондджын лæг афтæ загъта: «Балцы цæуынæн æхца хардз кæнын куы нæ хъæуид, уæд мæ уынгæ дæр ничиуал фæкæнид!» Æмæ, æцæгæйдæр, балцæй алчи æрыздæхы æндæр адæймагæй. Афтæ у!

Нæлгоймæгтæ слæмæгъ сты, æви сылгоймæгтæ сфидар сты? Ацы фарст нæм сæвзæрд, нырыккон царды цаутыл нæ цæст куы ахастам, уæд. Бæрæггæнæнтæм гæсгæ, чи ахицæн, уыцы бинонты нымæц фæци, сæ цард чи баиу кодта, уыдонæй фылдæр. Цы уавæрмæ æркæндзæн уыцы хъуыддаг æхсæнады? Ууыл дзурæм комкоммæ эфиры.

Ирон хæдзары æртæ уæлибæхæй скувыны хъуыддагæн арф æмæ ахсджиаг нысаниуæг ис. Фæлæ кæрдзынтæ абон арæх æлхæнгæ дæр акæнæм. Акомдзаг кæнынæн дуканиты райсæм иугай чъиритæ дæр. Цымæ цас раст у уыцы хъуыддаг æмæ нæ фыдæлтыккон æгъдæуттæ бахъахъхъæнынæн цы кæнын хъæуы?

Хъæууон хæдзарад рæзы. Уымæн æвдисæн, фарон нæ бæстæ экспортмæ æппæтæй фылдæр мæнæу кæй арвыста, уый. Фæлæ нæ картофы хæрзхъæддзинад зæрдæхсаинаг цæмæн у, мыдыбындзытæ цæмæн мæлынц æмæ ныл фидæны пестицидтæ куыд сахаддзысты? Уый раиртасыныл архайæм программæ «Сасир»-ы.

Сыхæгты хъæр æмæ хъæлæбайыл æппæтæй арæхдæр кæм хъаст кæнынц, Цæгат Кавказы иунæг ахæм регион сси Ирыстон. Уыцы хъуыддаг раиртæста æппæтдунеон бæрæггæнæг компани. Æгъдаухалджыты æфхæрынæн закъон раджы сфидар кодтой, фæлæ нæ цард фæхуыздæр? Иннæ ахæм фæндон: машинæтæй бырæттæ чи æппара, уыцы шофырты кæндзысты ивар. Уыдæттыл æмæ ма æндæр хъæппæристыл дзурæм нæ программæйы.

Нырыккон цард нын нæ разы алыхуызон цæлхдуртæ авæры. Æппæтæй риссагдæр вæййынц, нæ кæстæртимæ баст куы вæййынц, уæд. Нæ программæйы дзурæм, сывæллæтты бахъахъхъæныны ахсджиагдæр цы у, уыцы фарстытыл.

«Æгъдау æххæст кæнын хъæуы», зæгъгæ, уыцы ныхасæй арæхдæр ницыуал хъусæм. Раст ма дзы хъыг дæр систæм. Цард нæ ног кæнонтыл æфтауы, æмæ, цымæ, алы хатт хъæугæ æмæ пайда вæййынц? Уыцы фарстытæ «луарæм» нæ телевизон сасирæй.

Нæ телеканал сног кодта программæ «Сасир». Раздæрау дзы дзурдзыстæм, ирон царды цы ахсджиаг цаутæ æмæ ивддзинæдтæ цæуы, уыдæттыл. Ныхас кæндзыстæм, уыдон æхсæнадыл куыд зынынц, ууыл. Ацы хатт нæ уазæг у Турчы цæрæг Пухаты Зале.

Хъæбатырон зарджытæ æппæт адæмыхæттытæм не сты.