Мадæлон æвзаджы бон æмæ Стыр Комдарæн | Йæ рæстæгыл

21-æм февралы дунейы фæбæрæг кæнынц Мадæлон æвзаджы бон. Нымад у 1952-æм азæй фæстæмæ, Бангладешы æвзæгтæй иуы сæрыл дзургæйæ бынæттон студенттæ демонстрацийы куы фæмард сты, уæдæй. Ахæм аргъ кæмæн бафыстæуыд, уыцы бонæн уæлдай кад хъуамæ уа. Фæлæ, цымæ, æцæгæй та куыд у, зæгъæм, нæхи мадæлон æвзаджы кой куы кæнæм, уæд? Ууыл аныхас кодтам нæ студийы. Дзырдтам, чырыстон уырнынадмæ æмхиц чи у, уыдоны бæрæгбоны тыххæй дæр. А-дыууæ боны райдайдзæн Стыр Комдарæн. Йæ нысан æмæ йæ хъомыс, куыд æй хъæуы æххæст кæнын æмæ дзы уæгъд чи у — æппæт уыдæттæй бафарстам нæ уазæджы. Радта нын бæстон дзуæппытæ.