«Портал»-ы ног цард, Тадтаты Тамерланы литературон преми, «Мах дуг»-ы конкурс-преми æмæ ирон — Лос-Анджелесы

Сфæлдыстадон лаборатори «Портал» февралы кæрон ногæй йæ куыст райдайдзæн. Йæ саразджытæ нын куыд зæгъынц, афтæмæй дзы байгом уыдзæн бирæ ног къордтæ. Æмæ сыл бæлвырдæй æрныхас кодтам нæ программæйы. Сфæлдыстадон æнтыстытæ бафтыд фыссæг Тадтаты Тамерланы къухы дæр. Фыццаг хатт ирон фыссæг сси литературон преми «Золотой Дельвиг»-ы лауреат. Уæлахиздзауимæ фембæлдыстæм нæ студийы. Национ литературæ парахат кæныны премийыл та æрныхас кодтам «Мах дуг»-ы редакциимæ. Организацион къамис йæхи цæттæ ног сфæлдыстадон конкурсмæ. Уæдæ комкоммæ бастдзинад та Лос-Анджелесимæ сарæзтам. Ирон лæппу Бырнацты Константин дзы йæхи равдыста, курдиæттæн аргъ кæм кæнынц, уыцы конкурсы. Йæ хъæлæсыл ын бадис кодтой.