Зымæджы хъæууон хæдзарады ахадындзинад къаддæр нæ кæны. Ахсджиаг рæстæг у фосдарынадæн. Ацы равдысты уæ базонгæ кæндзыстæм, Лескены цæрæг Хамыхъоты Аланимæ. Гранты фæрцы райдыдта хæрзмыггаг фосы куыст кæнын. Æрæфы районы администрацийы сæргълæууæг Лагкуты Омар та нын радзурдзæн, хъæууон хæдзарады бынæттон кусджытæ сæ зымæг куыд æрвитынц, уый тыххæй.

Цыфæнды хъуыддджы дæр æнæ ахуырадæй ницы бакæндзынæ. Наукæ та у бындурты бындур. Нæ бæстæйы Президент Владимир Путин, 2023-æм хуымæтæджы нæ расидт ахуыргæнæджы аз.
Уый фæдыл бирæ мадзæлттæ арæзт цæудзæн афæдзы дæргъы. Мах дæр сфæнд кодтам ацы равдысты хъæууон хæдзарады специалисттыл æрдзурын, наукон кусджыты чи цæттæ кæны, ахæм адæмимæ аныхас кæнын.

Ног аз зæронды æххæстæй нæма баивы, афтæ бирæтæ афæлгæсынц афæдзы бæрæггæнæнтыл. Цавæр хатдзæгтæ скæнæн ис 2022-æм азæн? Хъæууон хæдзарады райрæзтæн æнтыстджын рауад æви сæ къуылымпы кодта? Æппæт дунейы политикон цаутæ куыд фæбæрæг сты экономикæйы ахсджиагдæр къабазыл? Ацы æмæ æндæр фарстатыл дзурæм нæ хатдзæгтæгæнæн хæдзарадон рауагъды.

Зымæг йæ бартæ йæхимæ райста, фæлæ уый ууыл дзурæг нæу æмæ, хъæууон хæдзарады чи фæллой кæны, уыдон æнцад бадынц. Уæлдайдæр та, халсарты куыст чи кæны, уыцы фермертæ.
4 азы размæ республикæйы уæды хицауад йæ `ргом аздæхта, хи цæхæрадæттæ кæмæ ис, уыцы адæмæн баххуыс кæнынæн сын хъармуæтты конструкцитæ байуарын. Азтæ рацыд æмæ ралæууыд хатдзæгтæ кæныны рæстæг.

Фæззæг кæд тыллæг æфснайыны афон у, уæддæр зæхкусæджы размæ бирæ æндæр хæстæ ис. Зæгъæм, фидæны тыллæгæн бындур сæвæрын, мæр бацæттæ кæнын æмæ маргъдарæн куыстæн хатдзæгтæ скæнын. Се ‘ппæтыл дæр афæлгæсдзыстæм нӕ радон равдысты. Æххуыс та нын кæндзысты хъӕууон хӕдзарады специалисттæ.

«Хæдзарадон»-ы ацы равдысты ныхас цӕудзӕн санкцитæ æмæ сæ фæстиуджытыл. Аграрон къабазы кусæг адæмæн цæлхдур сты æви сæ разæнгард кæнынц? Бабӕрӕг ма кодтам, ӕрвылаз Мæскуыйы цы аграрон кусæнгæрзты равдыст саразынц, уый дӕр. Амалхъом адæм дзы зонгæ кодтой тæккæ нырыккондæр техникӕимӕ. Равдысты ӕхсызгонӕй сӕмбæлдыстӕм Ирыстоны минӕвӕрттимӕ. Кӕнынц ӕхсыры куыст ӕмӕ, куыд рабӕрӕг, афтӕмӕй санкцитӕ хъуыды дӕр не ‘ркодтой.

«Хæдзарадон»-ы радон равдысты не `ргом аздæхтам фосы зымæгиуатмæ. Уый тыххæй фембæлдыстæм Дыгуры районы хъæууон хæдзарады управленийы сæйраг зоотехникимæ. Базонгæ стæм, фермерон куыст кæнын чи райдыдта, ахæм хъазуатон сылгоймагимæ дæр. Дзырдтам ма, Горæтгæрон районы стурвос цы низæй фæрынчын сты æмæ йын йæ ныхмæ цы мадзæлттæ аразынц, ууыл дæр.

Канд къæлиндары нымадмæ гæсгæ нæ, фæлæ боны ахастæй дæр фæззæг йæ бартæ йæхимæ райста. Бон фæцыбырдæр, уæдæ уазал къæвда бонтæ дæр бæллиццаг не схондзынæ. Зæхкусæджы дæр хъыгдарынц. Ацы бонты уæлдай æнæвдæлон у. Хъæуы йæ нартхор холлагæн æркæрдын, мæнæу, хъæбæрхор, рапс æмæ æндæр фæзыгæндтæ байтауын. Рæхджы райдайдзысты хуым кæнын дæр. Зæхх хъуамæ зымæджы баулæфа æмæ бауымæл уа. Æппæт уыцы куыстытыл дзурæм нæ рæдон «Хæдзарадон» равдысты.

Хъæууон хæдзарады алы афонæн дæр йæхи ахсджиаг рæстæг ис. Уæдæ фæззæг дæр зæхкусæгæн бæрнон у. Хъæуы йæ фидæны тыллæгæн бындур сæвæрын, бæлæстæм базилын, анауыли скæнын. Куыд фæзæгъынц, зæхмæ цас рæдаудæр уай, уыйбæрц йæ бæркад хъæздыгдæр æмæ хæрзхъæддæр рауайдзæн. Уæдæ не сфæлдыстадон къорд æвдисæн уыд, «Де Густо»-йы хæдзарады фæткъуы куыд æфснайынц, уымæн.

Республикæйы хъæууон хæдзарады къабазы фосдарджыты куыст бæрæг дары. Ахсджиаг сын у зымæгмæ бацæттæ кæнын. Ныртæккæ фермертæ архайынц холлæгтæй се `вæрæнтæ байдзаг кæныныл. Æнцондæр у, хи уыгæрдæнтæ кæмæ ис, уыдонæн. Раст ахæм хæдзарад бабæрæг кодтам мах дæр. Фембæлдыстæм ма нæ республикæйы хъæууон хæдзарады министры хæдивæг Рубайты Ибрагимимæ дæр.