Ацы рауагъды не сфæлдыстадон къорд уазæгуаты уыд Цæгат Ирыстоны сгуыхт нывгæнæг Айларты Владимирмæ.

Адæймагæн йæ зæрдæйы конд фæзыны йæ цардвæндагыл. Султан Аслаханов йæ ахуыргæнæгимæ сывæллонæй базонгæ ис. Лæппуйæн уыдис хи фыдау, ноджы ма хистæр æфсымæр æмæ зондамонæг дæр. Уый йæ канд æлыгимæ кусын нæ сахуыр кодта. Бацамыдта йын царды бирæвæрсыг фæзилæнтæ.

Адæймагæн йæ миддуне рæсугъд куы уа, уæд йæ алыварс дæр саив кæныныл архайдзæн. Æрмдæсны Бæзаты Владимир алцæмæдæр арæхсы. Æнæуд æрмæджыты цыма цард бауадзы, афтæ фæкæсы, йæ дзаумæттæ кæмæн балæвар кæны, уыдонмæ.

Адæймаг æнувыд цы куыстыл вæййы, æхцондзинад ын æрмæст уый хæссы. Æрыдоны цæрæг Мæхъиты Михаил уыдонæй иу у. Цы разæнгард кæны æрмдæсныйы æмæ йын хъару цы дæтты? Уый тыххæй бæлвырддæр дзуры нæ программæйы.

Цавæр у скульпторы æрмадз? Æмæ куыд кусы æцæг скульптор? Уыцы фæрстытæн дзуапп райсынмæ ацыдыстæм скульптор Деметы Ибрагимы æрмадзмæ.

Хохы цард сног кæнын æнцон нæу. Фæлæ буройнаг лæппу йæ размæ стыр хæс сæвæрдта. Архайы адæмы æргом хъæумæ раздахынмæ. Æрмдæсны уыцы фæнд cæxxæcт кæнынмæ сындæггай къахдзæфтæ кæны.

Нæ телеканалы ног проект «Æрмадз»-ы фыццаг хъайтар у мызуйраг Реуазты Батрадз. Æрыгон лæппу бавзæрста зындзинæдтæ. Фæлæ йæ ныфс нæ асаст. Царды бирæ хъуыддæгтæм ракаст æндæр цæстæй. Йæхимæ ссардта, асæттын æй чи бауагъта, ахæм курдиат.