Тарскæйы аргъуан I Фæд

Кавказмæ хъазахъхъæгты æрвитын райдыдтой 18-æм æнусы. Уæрæсейы паддзахадæн йæ бартæ хæхбæсты æрфидар кæнын хъуыдис. Ноджы ма ахæм мадзæлтты фæрцы бынæттон адæм хуыздæр базонгæ уыдаиккой уырыссаг культурæимæ. Хъазæхъхъæгтæ æрцардысты Тарскæйы дæр. Истори иртасджытæ куыд зæгъынц, афтæмæй хицауад алы бинонтæн дæр æхца фыста хи фæдырынæн æмæ хæдзæртææ самайынæн. Фæлæ уал цæрæнбынæттæ скæныны разæй, адæм сарæзтой аргъуан. Рагзаманты дзырдтой: аргъуаны амонд адæмы амондимæ баст у. Адæм фидар сты – аргъуан рæзы, адæм сæфты къахыл ныллæууыдысты – аргъуан пырх кæны. Тарскæйы аргъуан йæ раздæры хуыз исын райдыдта. Æмæ амы цæрæг адæмы дæр ныфс бацыдис, сæ хъæу ног фарн æмæ амондæй хайджын кæй фæуыдзæн, уымæй.