Тъехты Валентин

Кæд фæлладуадзæн бонтæ фесты, уæд зымæгæн та йæ кæрон дæр нæма зыны. Изæртæ ныддæргъвæтин сты. Æмæ ма раст сахат дæр зивæггæнгæ цъыкк-цъыкк кæны. Хæдзары куы рбамбырд вæййæм, уæд нæ рæстæг куыд арвитæмыл стыхсæм æмæ нæхи цæмæй аирхæфсæм, уый фæагурæм. Уæлдай тынгдæр та сывæллæттæ стыхсынц. Каникултæ нæма фесты æмæ , æвæццæгæн, иухуызон изæртæй сфæлмæцыдысты.
Фæлæ уымæн мах хос зонæм. Интернет æмæ телевизортæ куы нæма уыди, уæд адæм сæхи ирхæфстой алыхуызон хъæзтытæй. Уарзондæр хъазт у шашкæтæй хъазт. Фæлæ ирон шашкæты хъазт ис, уый бирæтæ нæ зонынц. Афтæмæй та бирæ цымыдисагдæр сты. Уæдæ цæмæй хицæн кæнынц æмæ сын цавæр сусæгдзинæдтæ ис. Æппæт уыцы хъуыддгтæ нын радзурдзæн нæ уазæг, — ирон шашкæты федерацийы сæргълæууæг Тъехты Валентин.