Уæрæсейы ахуыргæндтæ дунейы нымад сты тыхджыдæртæй иууыл, размæдзыд у нæ энергетикæ дæр. Нæхæдæг дзы нæхи ифтонг кæнæм, æрвитæм æй æндæр бæстæтæм. Фæлæ йæ уæддæр хъæуы рæзын кæнын, ног технологитæ хъуыды кæнын. Ацы къабазы ногдзинæдтыл æрдзурыны тыххæй сæрмагонд форум уыд МинВодты. Нæ республикæ дзы йæхи куыд равдыста, ууыл дзурæм «Йæ рæстæгыл».
Æрвылаз 3-æм июлы Уæрæсейы сбæрæг кæнынц паддзахадон автоинспекцийы кусджыты профессионалон Бон. Советон заман мидхъуыддæгты министрады сæрмагонд инспекци нысангонд æрцыд 1936-æм азы 3-æм июлы. Бæрæгбон уыимæ баст у. Уæд фæндаггон змæлды архайджытæм уыд ахæм домæнтæ: фистæгæйцæуджытæ фæндаг дæттынц бæхуæрдæттæн, бæхуæрдæттыл чи бады, уыдон — машинæтæн, машинæтæ — автобустæн. Абон куыд кусы мидхъуыддæгты ацы службæ Рахизфарсы районы? Дзурæм ыл нæ программæйы.
