Хатгай адæймаг ахъуыды кæны — æвæдза, цардвæндаг куыд диссаг у. Кæд дæ кæдæм æрбакæндзæн, уый ничи зоны. Уæлдайдæр та кæимæ фембæлдзынæ æмæ базонгæ уыдзынæ, уый.
Нæ программæйы уазæджы ныры онг хæстæгмæ никуы федтон, зонгæ дæр не стæм. Фæлæ мæм кæддæриддæр цымыдисаг каст.
У спортсмен, йæ риу майдантæй нæ зыны. Ерыс кæны уæззау æмæ карз спортивон тохты. Фæлæ уыимæ тынг худæндзаст æмæ зæрдæмæдзæугæ у.
Æмæ та радон хатт ахъуыды кодтон — цымæ искуы æнхъæл уыд æмæ йæ ном Ирыстоныл æмæ Уæрæсейыл кæй айхъуысдзæн, фæсарæнты йæ кæй зондзысты, уымæн.
Нæ зонын, фæлæ йын йæхи бафæрсдзынæн.
