«Уличный красавæтæ» чи сты, сымах уый зонут? Æвæццæгæн, уæм алыхуызон хъуыдытæ сæвзæрд. Уынгты дзæгъæл рацу-бацу чи фæкæны, уыдон, сæхи къæрццарæзт чи скæнынц, гъе-та хæдзармæ чи нал фæцæуы, ахæмтæ… Нæ! Уыдон сты спортсментæ! «Уличный красава» — афтæ хуыйнынц нæ республикæйы кæртыты футболон командæты хсæн ерыстæ. Расидти йæ организаци Адæмон фронт. Ныртæккæ уал кæронмæ æрхæццæ акцийы муниципалон хай. Цы хатдзæгтæ дзы скæнæн ис, ууыл æрдзурдзыстæм не студийы уазджытимæ: «Адæмон фронт»-ы регионалон командæйы архайæг Кочиты Аринæ, кæртыты футболон командæ «Ирæтты» архайæг Чъерджиаты Роберт æмæ кæртыты футболон командæ «Шахтер-Садон»-ы архайæг Гæджиты Азæмæт.
