Шофыртæн ахсджиаг хъусынгæнинаг. Ацы азы 1-æм сентябрæй сæ тыхы бацыдысты ногдзинæдтæ паддзахадон автоинспекцийы ивар кæныны системæйы. Бахастой сæм æдасдзинады рондарыны хъуыддаг æмæ боныгон хæдтулгæйы хуыссыд цырæгътæ. Фæткхæлдтытæ цы камерæтæ нысан кæнынц, уыдон раджы фæзындысты, фæлæ æппæт фиппаинæгтæ нæ бæрæг кодтой. Программæйыл бакуыстой, æмæ ныр фиппайнæгтæ æнцондæрæй бæрæггонд цæудзысты.
Александр Пономарев фæлтæрдджын шофыр у. Æдасдзинады ронæй æрвылбон пайда кæны ныр 17 азы. “Фæндагыл алцыдæр æрцæуы”- зæгъы Алыксандр.
Фыццæгæм сентябрæй фæстæмæ сæ тыхы бацыдысты Паддзахадон автоинспекцийы ног домæнтæ. Ныр иваргонд цæудзысты, хæдтулгæйыл цæугæйæ æдасдзинады ронæй чи нæ пайда кæна, уыдон. Видеоцæстарды камерæтæ горæты уынгты раджы фæзындысты, фæлæ æппæт фæткхæлдтытæ нæ нысан кодтой.
Фæндаггон змæлды домæнтæ шофыр, кæй не ‘ххæст кæны, уый фыццаг æмткæй фæнысан кæнынц нейросетьтæ. Сæ куысты фæтк æппынæдзух хуыздæр кæны. Ахуыр кæнынц мингай дæнцæгтыл. Сæйрагдæр у ма фæрæдийын архайд нысан кæнгæйæ. Æрмæст уый фæстæ æппæт фæткхæлдтытæ дарддæр бахауынц Паддзахадон автоинспектормæ.
Æдасдзинады ронæй чи нӕ пайда кæны, уыдонӕн иварӕн снысан кодтой 1 мин сомы. Æртæ къуыримӕ йын бафидæн ис йе ‘мбис.
Техникæйæн йæ бон фæрæдийын дӕр у. Фæткæлд æрцыд æви нæ, уый бæстондæрæй базонæн ис дзуапдæттæг дæлхайадмæ æрбацугæйæ. Æрмæст 10 боны дæргъы сæрмагонд фыстæг райсыны фæстæ. Науæд та документыл цы хайады бакуыстой , уый разамындмæ курдиат бадæтгæйæ. Дзуапдæттæг ведомствойы шофыры хъуыдыимæ куы нæ сразы уой, уæд йæ бон у тæрхондонмæ фæсидын.
