Республикæйы æфтиæгтæ ацы аз систы 47 миллиард 980 мин сомы. Афæдзы фыццаг æрдæгмæ уыдонæй хауы 25,5 миллиард сомы. Хæрдзтæ та систы 300 милуан сомы фылдæр. Республикон бюджет куыд æххæстгонд цæуы, уый уыд парламенты Советы æмбырды сæйрагдæр фарстатæй иу.
Тускъаты Таймураз бабар кодта комитеттæн республикон бюджеты фарстатæм æркæсын, паддзахадон программæты мадзæлттæ куыд æххæстгонд цæуынц, уымæ, стæй хъалонты æмæ æнæхъалонты æфтиæгтæн дæр анализ скæнын.
Депутаттæ ма æркастысты, республикæйы рог хæдтулгæтыл бæлццæтты куыд ласынц, уый фæдыл закъоны проектмæ дæр. Æппæты вазыгджындæр у такситы службæты куыст æмæ бæлццæтты æдасдзинад фæхуыздæр кæнын. Уый фæдыл сараздзысты 3 информацион фæрæзы: уæзæуутæ ласджыты, такситæ æмæ заказтæ æххæстгæнджыты реестр.
