1 млрд 718 млн сомы “Фармация æмæ медицинон техникæ” 2022-æм азы схардз кодта æлхæнинæгтыл. Ивгъуыд азимæ абаргæйæ, уый у 324 млн сомы къаддæр. Уый хыгъд дыууæ азмæ æхцайы фæрæзты фæстауæрц у 350 млн сомæй фылдæр. Уый тыххæй Тускъаты Таймуразæн фехъусын кодта республикæйы контролон-нымайæн палатæйы аудитор Хæдарцаты Олег. Абон “Фармация æмæ медицинон техникæ” республикæйы у иунæг, медицинон организацитæ хостæй чи ифтонг кæны, ахæм куыстуат.
Ахсджиаг фарстаты ‘хсæн — дзæбæхгæнæн хостæ дарыны скълад. Республикæйы хицауад цæттæ у баххуыс кæнынмæ. Æнæниздзинад хъахъхъæнынады министр Тебиаты Сосланы ныхæстæм гæсгæ, скъладæн бынат ссардтой республикæйы венерологон диспансеры.
